विपक्षी दलकाे अवराेधपछि संसद बैठक स्थगित

सो विषयमा सभामुख अर्यालले विपक्षी दलका सांसदहरुलाई बोल्ने समय दिए । कांग्रेस सांसद अर्जुननरसिंह केसीले नीति तथा कार्यक्रमको जवाफमा प्रधानमन्त्रीको उपस्थिति नभएमा संसद बहिष्कार गर्ने चेतावनी दिएका थिए ।  तर एमालेले प्रधानमन्त्रीको उपस्थिति हुनुपर्ने माग राखेको थियो । कांग्रेसका संसदीय दलका नेता भीष्मराज आङ्देम्बेले संसद बैठक रोकेर राजनीतिक दलका संसदीय दलका नेता तथा सचेतकहरुसँग बैठक राखेर छलफलपछि बैठक अघि बढाउन प्रस्ताव गरेका थिए ।
त्यसको जवाफमा सभामुख अर्यालले नीति तथा कार्यक्रम ‘अहिले टेबुल गरौं छलफल गरौं पछि सरकारसँग संवाद भइन रहन्छ’ भनेका थिए ।  तर पनि विपक्षी सांसद तयार भएनन् । ‘सदन चल्न नदिने नै उद्देश्य हो भने त्यो विषयमा छलफल गरौ । यहाँहर चारपाँच जना माननीयहरुले राख्नुभएको कुरा सुने । मैले आफ्नो कुरा पनि राखे । अब संसद अघि बढाऔं,’ सभामुखले प्रस्ताव गरे । तर विपक्षी दलका सांसदहरु टसका मस नभएपछि सभामुख अर्यालले १५ मिनेटको लागि संसद बैठक स्थगित गरे ।