काठमाडौँ- नेपाली बजारमा आज (आइतबार)सुन-चाँदीको भाउ बढेको छ । शुक्रबार तोलामा पाँच हजार ६ सय रूपैयाँ बढेको सुनको भाउ यसदिन प्रतितोला २० हजार पाँच सय रूपैयाँ बढेको हो । नेपाल सुनचाँदी व्यवसायी महासंघका अनुसार आज सुन प्रतितोला तीन लाख ११ हजार एक सय रूपैयाँमा किनबेच भइरहेको छ । शुक्रबार सुन प्रतितोला दुई लाख ९० हजार ६ सय रूपैयाँमा कारोबार भएको थियो ।
भाउ बढेसँगै यसको मूल्य ३ लाख ११ हजार १०० पुगेको छ । सरकारले भन्सार दर दोब्बरले बढाएर २० प्रतिशत पुर्याएको छ । यसबाहेक ०.५ प्रतिशत सिप अभिवृद्धि महशुल पनि लगाएको छ। यही कारण पनि सूनको भाउ उच्चले बढेको हो ।यस्तै, आइतबार चाँदीको मूल्य पनि बढेको छ । शुक्रबार प्रतितोला पाँच हजार ४० रूपैयाँमा कारोबार भएको चाँदी यसदिन तोलामा पाँच हजार तीन सय ४५ रूपैयाँमा किनबेच भइरहेको छ । यो मूल्य अघिल्लो दिनको तुलनामा प्रतितोला तीन सय पाँच रूपैयाँ बढेको हो । अन्तर्राष्ट्रिय बजारमा आज सुन प्रतिऔंस चार हजार पाँच सय ४० अमेरिकी डलरमा कारोबार भइरहेको छ।
प्रतिक्रिया दिनुहोस्