बालेनले भने– मलाई पनि राजदूत बन्न मन छ, सरकारका प्रवक्ता भन्छन्– म्यासेज गर्दिम् ?

काठमाडौँ – प्रधानमन्त्री वालेन्द्र शाह बालेनले आफूलाई पनि राजदूत बन्न मन लागेको बताउँदै प्रधानमन्त्रीको नम्बर भए उपलब्ध गराइदिन भन्दै कटाक्ष गरेका छन् । गए राति सामाजिक सञ्जालमार्फत शाहले भनेका छन्, ‘मलाई पनि राजदूत बन्न मन छ । प्रधानमन्त्रीको नम्बर छ भने यसो दिनुस् न ।’ प्रधानमन्त्रीको स्टाटसमा टिप्पणी गर्दै सरकारका प्रवक्तासमेत रहेका शिक्षामन्त्री सस्मित पोखरेलले भनेका छन्, ‘म्यासेज गर्दिम् ?’ सामाजिक सञ्जालमा प्रधानमन्त्री र मन्त्रीले गरेको यो मजाकमा विभिन्न खाले टिप्पणीहरू आइरहेका छन् । कतिपयले यो प्रधानमन्त्रीको फेक आईडी त होइन भन्दै प्रश्न गरेका छन् । हालै सरकारका एक सचिवले आफूलाई राजदूत बन्न मन लागेको भन्दै प्रधानमन्त्रीलाई म्यासेज गरेपछि दिनभर प्रहरीको केरकारमा पर्नुपरेको थियो । सोही घटनाबारे प्रधानमन्त्रीले कटाक्ष र व्यङ्ग्य गरेको बुझ्न सकिन्छ ।