कांग्रेसको केन्द्रीय पदाधिकारीमा सुदूरपश्चिमबाट स्नेही मात्रै, केन्द्रीय सदस्यमा पनि न्यून प्रतिनिधित्व

सुदूरपश्चिमबाट पदाधिकारीमा उम्मेदवारी दिएका अन्य नेताहरू भने निर्वाचित हुन सकेनन्। महामन्त्रीमा उम्मेदवारी दिएका नैनसिंह महर र सहमहामन्त्रीका उम्मेदवार जनक गिरी पराजित भए। उनीहरूको पराजयसँगै प्रदेशबाट केन्द्रीय पदाधिकारीमा प्रतिनिधित्व गर्ने अवसर स्नेहीमा मात्रै सीमित भएको हो । पदाधिकारीमा मात्रै नभई केन्द्रीय सदस्यमा समेत सुदूरपश्चिमको उपस्थिति न्यून देखिएको छ। पार्टीको केन्द्रीय नेतृत्वमा प्रदेशको प्रतिनिधित्व बढ्ने अपेक्षा गरिए पनि निर्वाचन परिणामले त्यसलाई सीमित बनाएको छ ।  डडेल्धुराका शेरबहादुर देउवाले करिब एक दशक कांग्रेस सभापतिको नेतृत्व गरेका थिए । लामो समय पार्टीको शीर्ष नेतृत्वमा सुदूरपश्चिमको प्रभाव रहँदै आएको भए पनि यसपटकको महाधिवेशनमा पदाधिकारी तहमा एक जना मात्रै निर्वाचित भएका छन् । देउवा पक्ष भने छुट्टै महाधिवेशनको तयारीमा रहेको छ । यसरी कांग्रेसको १५औँ महाधिवेशनको परिणामले सुदूरपश्चिमलाई पदाधिकारीमा एक जनामा सीमित गरेको छ भने केन्द्रीय सदस्यमा समेत न्यून प्रतिनिधित्व देखिएको छ ।