काठमाडौं – नेपाल प्रिमियर लिग (एनपीएल) मा सुदूरपश्चिम रोयल्सले लुम्बिनी लायन्सलाई ८८ रनको लक्ष्य दिएको छ । तेस्रो संस्करणअन्तर्गतको पहिलो खेलमा सुदूरपश्चिमले १७.२ ओभरमा मात्र ८७ रन जोड्न सक्यो । सुदूरपश्चिमलाई सस्तैमा समेट्न लुम्बिनीका लागि किशोरी महतोले चार, शेर मल्लले तीन, शाड्ली भानले एक, तिलकराज भण्डारी र रोहितकुमार पौडेलले एक विकेट लिए ।
सुदूरपश्चिमका लागि कप्तान दिपेन्द्रसिंह ऐरीले सर्वाधिक २७ रन जोडे । उनले २३ बलको सामना गरेका थिए । कप्तान ऐरीपछि अनिख खरेलले १५ रन जोडे भने शैफ अली जैबले १४ बलमा १३ जोडे । अन्य खेलाडीले दोहोरो अंकसमेत जोड्न सकेनन् । सुदूरपश्चिमका लागि विनोद भण्डारीले ९, इशान पाण्डेले ७, ब्रान्डन म्याकमुलेन २ र शेरफन रदरफोर्डले १ रन बनाए । आरिफ शेख, स्कट कुगेलेइन र हेमन्त धामी शून्य रनमा आउट भए ।
प्रतिक्रिया दिनुहोस्