काठमाडौं – नेपाली कांग्रेसले नयाँ क्रियाशील सदस्यता वितरण गर्ने समय आगामी साउन ३ गतेसम्म थप गरेको छ । महामन्त्री प्रदीप पौडेल नेतृत्वको क्रियाशील सदस्यता व्यवस्थापन समितिको बैठकले साउन २ गतेसम्म नयाँ क्रियाशील सदस्यता वितरण गर्ने समय थप गरेको समितिका सदस्य सहमहामन्त्री योगेन्द्र चौधरीले जानकारी दिए । यसअघि नयाँ सदस्यता असार २० सम्म तोकेको कांग्रेसले अनलाइनबाट पनि नयाँ क्रियाशील सदस्यताका लागि आवेदन दिन पाउने व्यवस्था गरेको छ । कांग्रेसको १५औं महाधिवेशन आगामी असोजमा १६ देखि १९ गतेसम्म गर्ने कार्यतालिका सार्वजनिक गरेको छ ।
प्रतिक्रिया दिनुहोस्