काठमाडौं – राष्ट्रिय स्वतन्त्र पार्टी (रास्वपा) को केन्द्रीय समिति बैठक बस्दैछ । यही भदौ ५ गते पार्टी केन्द्रीय कार्यालय बनस्थलीमा बैठक बस्ने महामन्त्री विपिन कुमार आचार्यले जानकारी दिए । उनका अनुसार, बैठकका विभिन्न कार्यसूचीहरू तय भएका छन् । जस अनुसार स्थानीय निर्वाचनका लागि उम्मेदवार छनोट रूपरेखा २०८३ अनुमोदन गर्ने, राइट टु रिकल सम्बन्धी दस्तावेज निर्माण गर्ने लगायतका कार्यसूची छन् । त्यस्तै, बैठकमा केन्द्रीय समिति सदस्य, पदाधिकारी, सचिवालय सदस्य, विभागीय प्रमुख र स्थानीय निर्वाचनका लागि केन्द्रीय उम्मेदवार छनोट समिति सदस्य मनोनयन गर्ने पनि कार्यसूची तय भएको छ । त्यस्तै, केन्द्रीय समिति र प्रतिनिधि सभा सदस्य नेतृत्वमा स्थानीय तहमा ‘उम्मेदवार छनोट रूपरेखा’ अभिमुखीकरण तथा प्रशिक्षण कार्यक्रम सञ्चालन सम्बन्धमा पनि बैठकमा छलफल हुने बताइएको छ ।
प्रतिक्रिया दिनुहोस्