इरानका सेना प्रमुख अमिर हतामीले सुरक्षा प्रमुख अली लारिजानी इजरायली हवाई आक्रमणमा मारिएपछि निर्णायक प्रतिकार गर्ने चेतावनी दिएका छन् । उनले एक वक्तव्यमा उचित समय र स्थानमा अमेरिका र जियोनिस्ट शासनविरुद्ध कडा र निरुत्साहित गर्ने प्रतिक्रिया दिने बताएका छन् । साथै, लारिजानीसहित अन्य शहीदहरूको बदला लिइने पनि उल्लेख गरेका छन् । यसैबीच, इस्लामिक रिभोलुस्नरी गार्ड कर्प्सले लारिजानीको हत्याको बदलास्वरूप मध्य इजरायलतर्फ मिसाइल आक्रमण सुरु गरिसकेको जनाएको छ ।
सुरक्षा प्रमुख लारिजानी मंगलबार मारिएका थिए । उनी वर्षौंदेखि इरानी शक्ति संरचनामा एक महत्त्वपूर्ण राजनीतिक व्यक्तित्व रहँदै आएका थिए । कुनै समय उनले पश्चिमसँग इरानको आणविक वार्ताको नेतृत्वसमेत गरेका थिए । यसअघि उनी इरानी संसदका सभामुख पनि रहेका थिए ।
प्रतिक्रिया दिनुहोस्