बाजुरा — करिब दुई वर्षदेखि अघि बढाइएको निरन्तर पहलपछि खप्तडछान्ना गाउँपालिका र फिनल्याण्ड सरकारबीच ‘जलवायु परिवर्तन स्थानीय अनुकूलन परियोजना’ सम्बन्धी महत्वपूर्ण सम्झौता सम्पन्न भएको छ। गाउँपालिकाका अध्यक्ष उत्तमबहादुर रोकायाको सक्रिय कूटनीतिक पहलकदमी र दुरदर्शी नेतृत्वका कारण सम्पन्न भएको यो सहकार्यले छान्ना क्षेत्रको दीर्घकालीन विकास यात्रामा नयाँ मोड ल्याउँने विश्वास गरिएको छ।
सम्झौताअनुसार गाउँपालिकामा सिँचाइ प्रणाली सुदृढ गर्न, खानेपानी तथा सरसफाइ–स्वच्छता सुधार गर्न, जलवायु परिवर्तनका प्रतिकूल प्रभावहरूसँग प्रतिकार गर्न तथा स्थानीय समुदायको जिविकोपार्जन बढाउने कार्यक्रमहरू कार्यान्वयन गरिनेछ। जलवायु–संवेदनशील क्षेत्रमा पर्ने खप्तडछान्नामा यो परियोजनाले कृषिमा उत्पादकता वृद्धि, सुरक्षित खानेपानी पहुँच, दिगो जनजीवन तथा विपद्–जोखिम व्यवस्थापनमा महत्वपूर्ण प्रभाव पार्ने अपेक्षा गरिएको छ।
गाउँपालिकाले फिनल्याण्ड सरकारसँगको यो साझेदारीलाई छान्ना क्षेत्रको समग्र रूपान्तरणतर्फ उन्मुख गराउने ऐतिहासिक उपलब्धि मानेको छ।
प्रतिक्रिया दिनुहोस्