रुपन्देही — पूर्व सांसद गंगा थारु आफ्नै गाउँमा विवादकाबीच कुटिएको घटना सार्वजनिक भएको छ। राप्ती गाउँपालिका–७ मा बाटोसम्बन्धी छलफल चलिरहेका बेला थारु एक स्थानीय महिलासँग वादविवादमा उत्रिएपछि अन्य महिलाले लछारपछार गर्दै कुटपिट गरेको बताइएको छ। थारुले आफूलाई माओवादी कार्यकर्ताले कुटेको दाबी गर्दै मंगलसूत्रसमेत खोसेको आरोप लगाइन्। उनले सिसहनिया अस्थायी प्रहरी चौकीमा उजुरी दर्ता गरिसकेकी छन्। प्रहरीका वरिष्ठ असई रकमबहादुर खड्काका अनुसार जग्गा–सिमाना विवादका कारण दुई पक्षबीच हाताहाती भएको र दुवै पक्षबाट ठाडो निवेदन परेको छ। घटनापछि थारुले दोषीलाई कानुनी कारबाहीको माग गर्दै मुद्दा दर्ता गर्ने चेतावनी पनि दिएकी छन्।
प्रतिक्रिया दिनुहोस्