काठमाडौँ – व्यवसायी दुर्गा प्रसाईँले फागुन २१ मा निर्वाचन नहुने दाबी गरेका छन् । शनिवार प्रसाईँले फागुन २१ मा निर्वाचन नहुने दाबी गरेका हुन् । उनले अहिलेको सरकारमा रहेकाहरूको पनि भ्रष्टाचारी जात नै रहेको टिप्पणी गरे । उनले अहिलेको सरकार पनि भ्रष्टाचारमा विगतको भन्दा फरक नरहेको जिकिर गरे । उनले भने ‘चुनाव नै हुँदैन । चुनाव नहुने क्लियर छ । अहिलेको सरकारको नेतृत्वमा रहेकाहरूको पनि जात एउटै हो ।’
अन्तरिम सरकारका प्रधानमन्त्री सुशीला कार्कीले आफैँले सरकारी जग्गा मिचेको आरोप लगाउदै उनले आफूले हालसम्म कुनैपनि भ्रष्टाचार र अनियमितता नगरेको दाबी गरे । उनले मंसिर २२ गते प्रधानमन्त्री सुशीला कार्कीसँग आफ्ना मागहरूसहित भेटवार्ता गर्ने बताए । २२ गते प्रधानमन्त्रीसँगको वार्तापछि सरकारले आफूहरूका माग सम्बोधन गर्नेमा आधा मात्रै विश्वस्त रहेको बताउदै माग पूरा नभए आन्दोलनमा जाने चेतावनी दिए । उनले आफ्नो माग नाजायज नरहेको बताए ।
प्रतिक्रिया दिनुहोस्