काठमाडौँ – कुलमान घिसिङ संरक्षक रहेको उज्यालो नेपाल पार्टीले राष्ट्रिय स्वतन्त्र पार्टी (रास्वपा) सँग पार्टी एकता र सहकार्यका लागि निरन्तर संवाद भइरहेको जनाएको छ । लामो समयदेखि रास्वपासँग सहकार्यको प्रयास भइरहेको तर रास्वपाको सर्तका कारण निष्कर्षमा पुग्न नसकिएको ज्यालो नेपाल पार्टी स्रोतले जनाएको छ ।
उज्यालो नेपाल पार्टी रास्वपाको चुनाव चिह्न घण्टी लिएरै अघि बढ्न तयार रहेको छ। एकता प्रक्रियामा पार्टीको नाम मिलाएर जाने, चुनाव चिह्न रास्वपाकै राख्ने र केन्द्रीय समितिलाई समायोजन गर्ने मोडालिटीमा छलफल भइरहेको बुझिएको छ । नेतृत्व व्यवस्थापनको सवालमा भने उज्यालो नेपालले ’कार्यकारी भूमिका सहितको वरिष्ठ उपाध्यक्ष’ पद सिर्जना गरेर जानुपर्ने प्रस्ताव अघि सारेको छ । उनले आफूहरू अझै अर्थपूर्ण संवाद र सहकार्यको प्रयासमा रहेको बताए । यसैबिच उज्यालो नेपाल पार्टी मङ्सिर १७ गते औपचारिक रूपमा घोषणा हुने भएको छ । पार्टी घोषणा कार्यक्रमका प्रमुख अतिथि घिसिङ रहनेछन् ।
प्रतिक्रिया दिनुहोस्