धनुषाधाम (धनुषा) – धानको रक्षा गर्न सक्ने शक्तिको पक्षमा जनमत आउने विश्वास व्यक्त गर्नुभएको छ।
लक्ष्मीनियाँ गाउँपालिका–४ स्थित बिपी कोइराला माध्यमिक विद्यालय सपही मतदान केन्द्रमा मतदानपछि सञ्चारकर्मीसँग कुरा गर्दै उहाँले संविधानको रक्षा र नवयुवाको चाहना सम्बोधन गर्न लोकतान्त्रिक शक्तिलाई चुनेर संसद्मा पठाउन आग्रह गर्नुभयो।
पूर्वराष्ट्रपति यादवले २०८४ मा हुनुपर्ने निर्वाचन विषम परिस्थितिका कारण २०८२ मै हुन लागेको उल्लेख गर्दै मतदातालाई गम्भीर भएर विवेकपूर्ण ढङ्गले मतदान गर्न आग्रह गर्नुभयो।
“हामी देशमा उत्पन्न विषम परिस्थितिका कारण आज निर्वाचनमा होमिएका छौँ। शान्तिपूर्ण वातावरणमा निर्वाचन सम्पन्न होस् र देशमा स्थिरता कायम हुने गरी जनमत आओस् भन्ने मेरो कामना छ,” उहाँले भन्नुभयो।
उहाँले नेपालको संविधान लोकतान्त्रिक आन्दोलनका उपलब्धिको परिणाम भएको उल्लेख गर्दै त्यसमा २००७ सालको प्रजातान्त्रिक आन्दोलन, २०४६ सालको जनआन्दोलन र २०६२–६३ को जनआन्दोलन का साथै मधेस आन्दोलनको महत्वपूर्ण भूमिका रहेको बताउनुभयो।
संघीय लोकतान्त्रिक, समावेशी तथा समानुपातिक विशेषतासहितको संविधानलाई अझ सुदृढ बनाउन सही पार्टी र सही व्यक्तिलाई छनोट गर्नुपर्ने उहाँको भनाइ छ।
“संविधान र संविधानले संस्थागत गरेका उपलब्धिका लागि धेरैको बलिदानीपूर्ण योगदान छ। यसीबीचमा गत भदौ २३ र २४ मा जेनजी विद्रोह भयो। यस घटनालाई सरकारले उचित ढङ्गले व्यवस्थापन गर्नुपर्थ्यो,” उहाँले भन्नुभयो, “युवाहरूका माग जायज थिए, तर त्यही क्रममा देशभर आगजनी गराएर अस्थिरता फैलाउने प्रयास प्रतिगामी शक्तिबाट भयो। यस अवस्थामा देशको रक्षा र लोकतन्त्रको सुदृढीकरणका लागि लोकतान्त्रिक शक्तिलाई विजयी गराउन आवश्यक छ।”
उहाँले निर्वाचन सफल भएर देशमा शान्ति कायम हुने विश्वास व्यक्त गर्नुभयो।
प्रतिक्रिया दिनुहोस्