काठमाडौँ – सुदूरपश्चिम प्रदेशको मुख्यमन्त्रीमा नेपाली कम्युनिस्ट पार्टी (नेकपा) का संसदीय दलका नेता खगराज भट्ट बन्ने निश्चित भएको छ । नेकपाका अध्यक्ष पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच आज भएको शीर्षस्तरीय वार्तामा भएको लिखित सहमतिसँगै भट्टको मुख्यमन्त्री यात्रा तय भएको हो ।
सत्ता साझेदार दलहरूबीच प्रदेश सरकारको नेतृत्व विभाजनबारे भएको सहमति अनुसार सुदूरपश्चिम प्रदेशको नेतृत्व नेकपाको भागमा परेको छ । यसअघि नै नेकपाभित्र भट्टलाई मुख्यमन्त्रीको दाबेदारका रूपमा अघि सारिएको थियो । शीर्ष नेताहरूबीच भएको नयाँ सहमतिसँगै अब सुदूरपश्चिममा सरकार गठनको औपचारिक प्रक्रिया अघि बढ्नेछ । भट्टले छिट्टै प्रदेश प्रमुखसमक्ष बहुमत सांसदहरूको दाबी पेस गरी मुख्यमन्त्रीको पद तथा गोपनीयताको शपथ लिने तयारी भइरहेको छ । दुई अध्यक्षबीच सुदूरपश्चिमबाहेक अन्य प्रदेशहरूमा पनि सरकार गठन र मन्त्रालयको भागबण्डा सम्बन्धी खाका तयार भएको बताइएको छ ।
प्रतिक्रिया दिनुहोस्