काठमाडौं – नेपाल-भारत प्रबुद्ध व्यक्ति समूह (ईपीजी) को नेपालतर्फका संयोजक डा. भेषबहादुर थापाले ईपीजी प्रतिवेदन राखिएको दराजको साँचो परराष्ट्र मन्त्रालयलाई बुझाएका छन् । संयोजक थापाले आफ्नो स्वास्थ्य र उमेरका कारण देखाउँदै परराष्ट्रमन्त्री शिशिर खनालको उपस्थितिमा परराष्ट्रसचिव अमृतबहादुर राईलाई दराजको साँचो हस्तान्तरण गरेको मन्त्रालयले जनाएकव छ । केही सञ्चार माध्यममा ईपीजी प्रतिवेदन नै बुझेको जस्तो सन्देश जाने गरी सार्वजनिक भएको भन्दै प्रतिवेदन राखेको दराजको साँचोमात्रै बुझेको प्रष्टीकरण मन्त्रालयको छ । नेपाल र भारतबीचका समस्याका बारेमा अध्ययन गरी समाधानका उपाय खोज्न संयुक्त रूपमा प्रबुद्ध व्यक्तिहरूको समूह गठन गरिएको थियो । सन् २०१६ मा नेपाल र भारतले उक्त समूह गठन गरी दुई वर्षसम्म अध्ययन गरी समूहले प्रतिवेदन तयार गरेको थियो । उक्त प्रतिवेदन दुवै देशका प्रधानमन्त्रीले बुझ्नुपर्ने प्रावधान भए पनि हालसम्म दुवै देशका प्रधानमन्त्रीले बुझेका छैनन् ।
प्रतिक्रिया दिनुहोस्