काठमाडौँ – काठमाडौँको गोठाटारमा अवस्थित अर्किड प्युपल सेकेन्डरी स्कुलमा ‘अर्किड आइडल गायन प्रतियोगिता (OISC)–२०८२’ को सिजन–११ भव्य रूपमा सुरु भएकाे छ । शुक्रबार विद्यालय प्राङ्गणमा एक कार्यक्रमकाबीच ‘अर्किड आइडल गायन प्रतियोगिता (OISC)–२०८२’ को सिजन–११ को सुरु भएको विद्यालयका संयोजक नरेन्द्र प्रसाद पाण्डेयले जानकारी दिए । उनका अनुसार १ सय जना विद्यार्थीले सहभागिता जनाएका थिए । १०० जना मध्येबाट ७० जना दोस्रो राउण्डकालागि छनोट भएका छन् ।सेमिफाइनल राउण्ड आगामी शुक्रबार हुनेछ भने फाइनल राउण्ड मंसिर २६ गते हुनेछ ।
विद्यालयका संचालक निर्देशक प्रेमकुमार भुजेलले प्रतियोगिताले विद्यार्थीको प्रतिभा, आत्मविश्वास र कलात्मक विकासमा महत्वपूर्ण योगदान पुर्याउने भएकाले यसलाई निरन्तरता दिइएको जानकारी दिए । उनका अनुसार विद्यालयले यस भन्दा अगाडी १० सिजन सम्पन्न गरिसकेको छ । अर्किड पढाइसँगसँगै अतिरिक्त क्रियाकलापमापनि अग्रणी शैक्षिक संस्था हो ।
प्रतिक्रिया दिनुहोस्