काठमाडौँ – हरेक वर्ष नोभेम्बर २५ देखि डिसेम्बर १० तारिखसम्म अर्थात् यही मंसिर ९ गते देखि २४ गतेसम्म अन्तराष्ट्रिय अभियानका रूपमा विभिन्न कार्यक्रम गरी लैङ्गिक हिंसा विरुद्धको १६ दिने अभियान विश्वभर मनाइदैछ । नेपालले पनि २०७५ सालदेखि सरकारी तथा गैर सरकारी तरिकाले निरन्तर यो अभियान मनाउँदै आइएको छ । यस वर्ष पनि यो अभियान राष्ट्रव्यापी रूपमा मनाइदैछ । यस वर्ष “प्रविधिको सही प्रयोग गरौँ लैङ्गिक हिंसा अन्त्य गरौँ” भन्ने नाराका साथ यो अभियान मनाउन लागिएको हो ।
यसै सन्दर्भमा नेपाली काँग्रेसको भातृ संगठन नेपाल विद्यार्थी संघकी नेतृ गीता गुरुङले लैंगिक हिंसा विरुद्धको १६ दिने अभियानलाइ जोड्दै भदौ २४ गते भएको जेनजी आन्दोलनमा डा. आरजु राणा देउवामाथी भएको घटनाको निन्दा गरेकी छिन् । उनले महिलामाथि हुने कुनै पनि हिंसा मान्य नहुने भन्दै देशको प्रधानमन्त्री नै महिला भएको अवस्थामा डा. आरजु माथि भएको घटनामा संलग्न व्यक्तिलाई कानुनी दायरामा ल्याउन अनुराेध गरिन् । ‘ ….भदौ २४ को घटनामा जसरी नेपाल सरकारका पूर्व परराष्ट्रमन्त्री डा. आरजु राणा देउवामाथी जुन किसिमको सांघातिक हमला भयो, त्यो हमलाको आजका दिनमा पनि निन्दा गर्दै यतिबेला देशमा महिलाले नै नेतृत्व गरिरहनुभएको छ, महिला प्रधानमन्त्री हुनुहुन्छ, त्यो उक्त घटनामा संलग्न दोषीलाइ कारवाहीको कठघरमा ल्याउन पनि म अनुरोध गर्न चाहन्छु’ गुरङले भनिन् ।
कुनै पनि व्यक्तिलाई महिला, पुरुष वा लैङ्गिक तथा यौनिक अल्पसङ्ख्यक भएकै कारणले गरिने शारीरिक, मानसिक वा यौनिक अल्पसङ्ख्यक भएकै कारणले गरिने शारीरिक, मानसिक वा यौनिक रूपले दिइने पीडा वा गरिने काम र व्यवहारहरू नै लैङ्गिक हिंसा हो । यसले कार्य स्थलमा हुने यौन जन्य दुर्व्यवहार, सामाजिक कुरीति जन्य व्यवहार लगायत लैङ्गिक आधारमा हुने हिंसा समेतलाई बुझाउँछ ।स्रोत, साधन, अवसर, जिम्मेवारी तथा हक, अधिकारको असमान वितरण, सानो उमेरमा वा बालविवाह, महिलालाई घरमा मात्र सीमित राख्नु, महिलाको कामको मूल्याङ्कन नगरिनु जस्ता लिङ्गको आधारमा हुने हिंसाहरू यस अन्तर्गत पर्दछ ।
एक फरक प्रसँगमा नेतृ गुरुङले नेपाली काँग्रेस पार्टीलाइ एक ढिक्का बनाएर अगाडी बढ्नुको विकल्प नभएको बताइन् । उनले वडास्तरदेखि नै नयाँ नेतृत्व चाहिएको र नवपुस्तालाइ समेत पार्टीमा समेट्नु पर्ने भएकाले पार्टीको नियमित अधिवेशन हुनुपर्नेमा जोड दिइन् ।
प्रतिक्रिया दिनुहोस्