काठमाडौँ – नेकपा (एमाले) को ११औं राष्ट्रिय महाधिवेशनका लागि दार्चुला जिल्लाबाट प्रतिनिधि चयन प्रक्रिया सर्वसम्मतरूपमा सम्पन्न भएको छ । जिल्लामा आयोजित बैठकमार्फत खुला, महिला, दलित र युवा गरी विभिन्न समावेशी समूहबाट प्रतिनिधि तोकिएको हो। खुला तर्फ ज्ञानेन्द्र घर्ती, कृष्ण धामी, रामदत्त जोशी, जनकसिंह ठगुन्ना, धर्मानन्द सिंह मन्याल (डि.एन्) र रणबहादुर पाल सर्वसम्मत रूपमा चयन भएका छन् ।
महिला प्रतिनिधिमा माधवी जोशी, ताराकेशरी कुँवर र निर्मला धामी चयन भएका छन् । त्यस्तै, दलितबाट लालबहादुर बी.के. र मुरारीलाल टमटा चयन भएका छन् । यसैगरी, ४० वर्ष मुनिका युवा प्रतिनिधिका रूपमा उमेशराज जोशी छानिएका छन् । सर्वसम्मत सहमतिको वातावरणमा सम्पन्न चयन प्रक्रियाले जिल्लामा पार्टीको आन्तरिक एकता र संगठनात्मक तयारीलाई थप सुदृढ बनाएको नेतृत्वले जनाएको छ।
प्रतिक्रिया दिनुहोस्